夢想

今天早上乘火車時聽到3位由深圳到大埔讀書的小學生談論她們的將來.........

女孩甲：「你估我地第時讀邊間大學呀？」
女孩乙（年齡較小的）：「不如讀康樂啦！」
女孩甲：「康樂係中學黎架！」
女孩丙：「不如讀中文大學囉。我地將來要一齊讀大學，然後一齊返工呀。」　
女孩甲（指著女孩乙）：「不過佢細過我地，唔可以同我地一齊升大學喎！」
女孩丙：「我地等埋佢先讀大學，咁咪可以一齊囉。」
女孩甲：「傻架咩！咁我地咪要留級囉。唔緊要，第時我地都可以約埋佢響聯檢大樓等，咁都可以一齊呀！」
女孩丙：「都好喎！」
女孩甲：「我地不如到時搬出黎一齊住呀，我鍾意油木地板。」
女孩丙：「油木地板好難打理架，我鍾意地磚多ｄ。」
女孩甲：「好啦，咁就鋪地磚啦。咦，咁邊個買車呀？」
女孩丙：「我買我買！我可以車你地周圍去呀！」
女孩乙：「我都可以架！不過響車上係咪唔比食野架？」
女孩甲：「響火車、巴士上就唔可以食，響私家車上就食乜都得架！不過呢，如果我地冇緣份咁點呀？咁咪唔可以一齊讀大學囉？」
女孩丙：「唔會掛，我估我地有緣0既..........」

不知道她們長大後還會否記得這些對話呢？